Америкийн алдартай реппер, хөгжмийн уран бүтээлч Канье Уэстийн долдугаар сарын 4-нд «Аламодом» цэнгэлдэх хүрээлэнд товлогдсон тоглолтыг цуцлахыг Сан-Антонио хотын захирагч Джина Ортиз Жонс шаардлаа.
Тэрээр өөрийн байр сууриа илэрхийлэхдээ, "Цэргийн хот" хэмээн алдаршсан Сан-Антонио хот нь үзэн ядалт болон антисемит буюу еврей үндэстнийг эсэргүүцсэн үзэл бодол бүхий хүмүүсийг хотын төсвийн хөрөнгөөр санхүүждэг байгууламжид хүлээн авах ёсгүй гэж мэдэгджээ. Тэрээр энэхүү хоригийг "хэзээ ч" гэсэн хатуу байр суурьтайгаар илэрхийлсэн байна.
Канье Уэст нь дэлхий дахинд нөлөө бүхий хөгжимчин боловч сүүлийн үед түүний хэлсэн үг, үйлдлүүд олон нийтийн зүгээс хүчтэй шүүмжлэл дагуулаад байгаа юм. Одоогоор тоглолтыг цуцлах эсэх талаар албан ёсны шийдвэр гараагүй байна.
