Америкийн хөгжимчин Кид Рок (жинхэнэ нэр нь Роберт Жеймс Ричи) гэх эрхэм шинэ тоглолтын сурталчилгаандаа АНУ-ын цэргийн нисдэг тэрэг ашигласан нь дуулиан тарьж байна. Кид Рок нь кантри рок, рэп рокийн урсгалаар уран бүтээлээ туурвидаг, Америкт нэлээд алдартай хөгжимчин юм.
Тус сурталчилгааны бичлэгт цэргийн геликоптер нисэж, Кид Рок тайзан дээр гарч ирэн тоглолтоо эхлүүлж байгаа нь харагдана. Олон нийт үүнийг татвар төлөгчдийн мөнгийг зориулалтын бусаар үрэн таран хийж байна гэж үзэж, шүүмжилж байгаа юм. Түүнчлэн, түүнийг Дональд Трампын үнэнч дэмжигч гэдгээр нь ч бас буруутгаж байна.
Хэдийгээр сурталчилгааны бичлэгт яг хэний мөнгөөр санхүүжсэн нисдэг тэрэг ашигласан нь тодорхойгүй байгаа ч, олон нийт үүнийг цэргийн техник хэрэгслийг улс төрийн зорилгоор ашиглаж байна гэж үзэж байгаа юм. Энэ асуудал нь АНУ-д төдийгүй дэлхий дахинд анхаарал татаж байна.
