Исландын гаралтай, Америкийн залуу дуучин Лауфей (Laufey) “Billboard Women In Music 2026” наадмын улаан хивсний ёслолын үеэр өөрийн амжилтын тухай сэтгүүлч Дрю Афуало болон Billboard-ын Линдси Хавенстэй ярилцсан байна. Лауфей нь джаз болон поп хөгжмийн төрлөөр уран бүтээлээ туурвидаг бөгөөд өөрийн гэсэн өвөрмөц хэв маягтайгаараа залуу сонсогчдын дунд нэр хүндтэй болоод байгаа юм.
Тэрээр “A Matter of Time” цомог нь түүний хувьд маш том өөрчлөлт авчирсан гэдгийг онцолж, цаашдын уран бүтээлийн төлөвлөгөөний талаар ч хуваалцжээ. Мөн “Madwoman” дууныхаа клипийг танилцуулсан байна. Энэхүү дуу нь эмэгтэйчүүдийн хүч чадал, өөртөө итгэх итгэлийг илэрхийлсэн утгатай аж.
“Billboard Women In Music” наадам нь хөгжмийн салбарт өөрсдийн гэсэн хувь нэмрээ оруулж буй эмэгтэй уран бүтээлчдийг алдаршуулах зорилготой билээ. Лауфейн хувьд энэхүү наадамд оролцож, өөрийн түүхээ хуваалцсан нь залуу уран бүтээлчдэд урам зориг өгсөн явдал боллоо.
