Америкийн алдартай дуучин, реппер Лиззо (жинхэнэ нэр нь Мелисса Вивиан Жефферсон) өөрийн эсрэг үүсгэсэн бэлгийн дарамтын хэрэгт буулт хийхгүй гэдгээ мэдэгдсэн байна. Түүний хуучин бүжигчид дуучныг бэлгийн дарамт үзүүлсэн, арьс өнгөөр ялгаварласан, мөн ажлын байран дээрх дарамт шахалтыг бий болгосон гэж буруутгаж байгаа юм.
Billboard сэтгүүлд өгсөн ярилцлагадаа Лиззо хэргийг хялбар аргаар шийдэж болох ч үнэнийг олохын төлөө тууштай тэмцэх болно гэдгээ онцолжээ. Тэрээр “Хэрэв би буулт хийвэл энэ нь тэдний үнэнийг хүлээн зөвшөөрсөн хэрэг болно. Би үүнийг хийхийг хүсэхгүй байна. Үнэн гарч ирэх болно” гэж мэдэгдсэн байна.
Лиззогийн өмгөөлөгчид ч мөн эдгээр гомдлыг үндэслэлгүй гэж үзэж байгаа бөгөөд дуучны нэр хүндийг сэргээхийн төлөө ажиллаж байгаа аж. Энэхүү хэрэг нь Лиззогийн карьер болон нэр хүндэд сөргөөр нөлөөлж болзошгүй байгаа бөгөөд залуу үеийнхний дунд түүний хөгжимд дурлагсдын тоо буурч магадгүй юм. Хэргийн явц цаашид хэрхэн өрнөхийг бид uujim.com сайтаараа дамжуулан хүргэх болно.
