Майкл Жексон (АНУ-ын алдарт дуучин, бүжигчин, хөгжмийн зохиолч)-ы тухай намтарчилсан "Майкл" кино дэлхий даяар асар их амжилт олсон билээ. Үүний дараа уг киноны үргэлжлэлийг хийхээр болсон тухай мэдээлэл цацагдаж эхэллээ.
NME-ийн мэдээлснээр, "Майкл" киноны хоёрдугаар ангийн зураг авалтыг энэ оны сүүлээр эсвэл 2027 онд эхлүүлэхээр төлөвлөж байгаа гэнэ. Эхний анги нь бокс оффисын бүх рекордыг эвдсэн бөгөөд энэ амжилтыг үргэлжлүүлэх зорилготой байгаа бололтой.
Киноны талаарх дэлгэрэнгүй мэдээлэл хараахан гараагүй байгаа ч Майкл Жексоны амьдралын дараагийн үе шатыг харуулах болно гэж үзэж байна. Уг кинонд Майкл Жексоны амьдралын сүүлийн жилүүд, түүний нэр хүнд, хувийн амьдралын талаар өгүүлэх болов уу гэсэн таамаг байна. Кино сонирхогчид уг киног тэсэн ядан хүлээж байгаа нь дамжиггүй.
