Рок-н-роллын домог, Роллинг Стоунз хамтлагийн ахлагч Мик Жаггер кино урлагт хүч үзэхээр болжээ. Тэрээр Одри Ниффенеггерийн готик драмын роман дээр үндэслэсэн “Гурван Шившигт Эгч Дүүс” (Three Incestuous Sisters) хэмээх кинонд гол дүрд тоглох гэнэ.
Киноны тухай дэлгэрэнгүй мэдээлэл хараахан гараагүй байгаа ч Дакота Жонсон, Жош О'Коннор, Жесси Бакли, Сирша Ронан, Изабелла Росселлини зэрэг Холливуудын ододтой хамтран тоглох нь баттай болжээ. Дакота Жонсон бол “50 Сүүдэр” цуврал киногоороо дэлхий дахинд танигдсан жүжигчин билээ. Жош О'Коннор “The Crown” цувралаар, Жесси Бакли “Chernobyl” цувралаар олонд танигдсан юм.
Одри Ниффенеггерийн “Гурван Шившигт Эгч Дүүс” роман нь хачирхалтай, аймшгийн элементүүдийг агуулсан бөгөөд энэ нь Мик Жаггерийн хувьд шинэ сорилт болох биз ээ. Түүний хувьд кинонд тоглосон туршлага бий ч иймэрхүү төрлийн кинонд тоглож байгаагүй юм.
Залуус аа, та бүхэн Мик Жаггерийг кинонд тоглохыг хэрхэн хүлээж авч байна вэ? Саналаа коммент хэсэгт үлдээгээрэй!
