Америкийн хип хоп ертөнцийн домог болсон Баста Раймс ирэх зургадугаар сард Нью-Йорк хотноо болох “Anti Social Camp” хэмээх дууны наадамд хүндэт зочноор оролцож, дуу зохиогчийн шагнал хүртэхээр болсон байна. Энэхүү наадам нь өөрийгөө дэлхийн хамгийн том дуу зохиох наадам гэж тодорхойлдог бөгөөд таван өдөр үргэлжлэх юм.
Баста Раймс бол 90-ээд оноос хойш хип хоп хөгжмийн ертөнцөд өөрийн гэсэн өнгө төрх, хэмнэлээрээ ялгарч, олон арван хит дууг бүтээсэн алдартай реппер билээ. Түүний “Woo Hah!! Got You All in Check”, “Gimme Some More”, “What's It Gonna Be?!” зэрэг дуунууд нь дэлхий даяар хит болж, залуусын сонсох дуртай дуунуудын нэг болж байсан юм. Тэрээр олон жилийн турш хип хоп хөгжмийн хөгжилд үнэтэй хувь нэмэр оруулсныг нь үнэлж ийнхүү шагнал хүртээхээр болжээ.
“Anti Social Camp” наадам нь зөвхөн дуу зохиох урлагийг дэмжихээс гадна залуу уран бүтээлчдийг нээж, тэдэнд туршлагатай уран бүтээлчидтэй хамтран ажиллах боломж олгодог гэдгээрээ онцлогтой. Энэ жилийн наадамд Баста Раймсаас гадна олон алдартай дуучид, хөгжмийн зохиолчид оролцох төлөвтэй байна. Монголын залуу хөгжим сонирхогчид, реп хөгжимд дурлагсаддаа энэ мэдээллийг хүргэж байна.
