Америкийн хип хоп ертөнцийн тод төлөөлөгчдийн нэг, “It Takes Two” хит дуугаараа олонд танигдсан Роб Бэйс таалал төгссөн тухай Billboard сэтгүүл мэдээллээ. Тэрээр 59 настай байсан бөгөөд удаан хугацааны турш хавдар өвчтэй тэмцэж байсан аж.
Роб Бэйс нь DJ E-Z Rock-той хамтран Rob Base & DJ E-Z Rock хэмээх дуэт хамтлагийг үүсгэн байгуулж, 1980-аад оны сүүлчээр хип хоп хөгжмийн ертөнцөд шуугиан тарьсан юм. Тэдний “It Takes Two” дуу нь Billboard Hot 100 чартын 36-р байранд бичигдэж, олон жилийн турш хип хоп соёлд нөлөөлсөн билээ. Энэхүү дуу нь одоо ч гэсэн кино, телевизийн шоу, зар сурталчилгаанд өргөнөөр ашиглагддаг.
Роб Бэйсийн нас барсан нь хип хоп сонирхогчдын хувьд том гарз болж байна. Түүний хөгжим, уран бүтээл нь залуу үеийн репперүүдэд урам зориг өгсөөр байх болно. Түүний гэр бүл, найз нөхдөд гүн эмгэнэл илэрхийлье.
