АНУ-ын Ерөнхийлөгч асан Дональд Трамп Америкийн CBS телевизийн “The Late Show with Stephen Colbert” хошин шоуны хөтлөгч Стивен Кольберыг (энэ нь Америкийн алдартай хошин нэвтрүүлэг юм) хогийн саванд хийж буй AI-аар бүтээсэн бичлэгийг өөрийн цахим хуудсандаа нийтэлсэн нь олны анхаарлыг татаад байна.
Энэхүү бичлэг нь Кольберын шоуны сүүлчийн дугаар цацагдсаны дараахнаас нийтлэгдсэн бөгөөд Трамп Кольберыг “амьгүй хүн шиг байсан” хэмээн шүүмжилж, “гудамжнаас хэн нэгнийг авчирсан ч түүнээс дээр байх байсан” гэж жиргэжээ.
AI технологийг ашиглан улс төр болон шоу бизнесийн зүтгэлтнүүдийг оролцуулсан хуурамч бичлэг хийх нь сүүлийн үед ихэсч байгаа бөгөөд энэ нь олон нийтийн дунд төөрөгдөл үүсгэх, худал мэдээлэл тараах эрсдэлийг нэмэгдүүлж байна гэж үзэж байна. Трампын энэ үйлдлийг зарим хүмүүс хошин шогийн хэлбэр гэж үзэж байгаа бол зарим нь хэтэрхий доромжлолтой, ёс зүйгүй үйлдэл гэж шүүмжилж байна.
Стивен Кольбер энэ асуудалд ямар хариу өгөх нь одоогоор тодорхойгүй байна.
