Америкийн R&B дуучин, бүжигчин, жүжигчин Тэяна Тэйлор Billboard сэтгүүлийн “Women In Music 2026” наадмын хүндэт зочдын нэгээр оролцож, өөрийн хитийг хүргэжээ. Холливудын Palladium концертын танхимд дөрөвдүгээр сарын 29-ний өдөр болсон энэхүү арга хэмжээнд EJAE, REI AMI, AUDREY NUNA, Kehlani, Элла Лэнгли, Талиа, Зара Ларссон, Laufey, Тэйт МакРэй зэрэг олон алдартай эмэгтэй уран бүтээлчид оролцсон байна.
Тэяна Тэйлор “Bed of Roses” дуугаа дуулах үеэр танхимд цугласан үзэгчид түүнийг халуун дотноор хүлээн авч, дууны үг бүрийг даган дуулж байсан нь арга хэмжээний онцлох үйл явдал болсон юм. Тэяна Тэйлор өөрийн хүчтэй хоолой, тайзан дээрх гайхалтай хөдөлгөөнөөрөө эмэгтэй уран бүтээлчдийг дэмжих зорилготой энэхүү наадмын уур амьсгалыг улам бүр баяжуулсан юм.
Billboard-ын “Women In Music” наадам нь хөгжмийн салбарт өөрсдийн авьяас чадвар, хөдөлмөр зүтгэлээрээ манлайлж буй эмэгтэй уран бүтээлчдийг алдаршуулах зорилготой жил бүр зохион байгуулагддаг нэр хүндтэй арга хэмжээ билээ. Энэ жилийн наадамд оролцогчдын дунд олон төрлийн хөгжмийн урсгалыг төлөөлсөн, залуу уран бүтээлчдээс эхлээд хэдийнээ олонд танигдсан одод хүртэл багтсан нь онцлог байлаа.
