Бизнесийн ертөнцөд удирдагч хүн хүнд хэцүү нөхцөл байдалтай тулгарах үед тэдний жинхэнэ чадвар ил болдог. Entrepreneur сэтгүүлийн онцолсноор, дарамт шахалт нь тухайн удирдагч өмнө нь бэлтгэсэн системтэй эсэх, эсвэл зүгээр л тухайн үедээ аргацааж байгаа эсэхийг тодорхой харуулдаг байна.
Удирдагчдын хувьд дарамт шахалт нь тэдний бэлтгэлтэй байдлыг шалгах сорилт болдог. Хэрэв удирдагч асуудал үүсэхээс өмнө шийдвэр гаргах тогтолцоог (decision framework) урьдчилан боловсруулаагүй бол хямралын үед ажиллах чадвар нь эрс буурдаг аж. Өөрөөр хэлбэл, аливаа зөрчил, хүндрэл гарахаас өмнө шийдвэр гаргах арга барилаа бэлдсэн байх нь удирдагчийг дарамтад орохоос сэргийлэх гол хүчин зүйл болдог байна.
Ихэнх удирдагчдын хувьд шийдвэр гаргах тогтолцоогүй байх нь тэднийг аливаа асуудалд бэлтгэлгүй, гэнэтийн нөхцөл байдалд амархан бууж өгөхөд хүргэдэг. Тиймээс урьдчилан бэлтгэсэн тогтолцоо нь зөвхөн ажлын үр ашгийг нэмэгдүүлээд зогсохгүй, сэтгэл зүйн хувьд тогтвортой байж, оновчтой шийдвэр гаргахад чухал үүрэгтэй гэдгийг мэргэжилтнүүд зөвлөж байна.
