Дэлхийн автомашины зах зээлд тэргүүлэгч Германы алдарт Фольксваген (Volkswagen) компанийн хувьцааны ханш уналтад орлоо. Энэхүү уналт нь тус компанитай холбоотой томоохон өөрчлөлтүүдийн тухай мэдээлэл гарсны дараа ажиглагдаж байна.
MarketWatch-ийн мэдээлснээр, тус компани 100,000 хүртэлх ажлын байрыг цомхотгохоор төлөвлөж байгаа аж. Энэхүү мэдээлэл нь хөрөнгө оруулагчдын анхаарлыг татаж, улмаар компанийн хувьцааны үнэлгээг 15 жилийн доод түвшинд хүргэхэд ойрхон болгоод байна.
Одоогоор Фольксваген компанийн зүгээс ажлын байрны цомхотголтой холбоотой төлөвлөгөө нь компанийн ирээдүйн үйл ажиллагаанд хэрхэн нөлөөлөх талаар дэлгэрэнгүй мэдээлэл өгөөгүй байгаа бөгөөд зах зээлийн нөхцөл байдал хүндхэн хэвээр байна.
