Америкийн Billboard чартуудад тогтмол ордог, өөрийн гэсэн өвөрмөц стильтэй дуучин Чарли Экс Си Экс (Charli XCX) удахгүй гарах шинэ дууныхаа талаар сонирхолтой мэдээлэл цацлаа. Тэрбээр “Rock Music” нэртэй шинэ дуугаа танилцуулах тизер видеог цахим хуудсандаа нийтэлсэн бөгөөд уг видеонд тэрээр цахилгаан гитараа бут ниргэж байгаа нь харагдаж байна.
Дууны нэрнээс нь харахад Чарли Экс Си Экс энэ удаагийн уран бүтээлдээ рок хөгжмийн элементүүдийг шингээсэн бололтой. Тэрбээр өмнө нь поп, электропоп, экспериментал поп зэрэг жанруудаар уран бүтээлээ туурвиж байсан бөгөөд энэ удаагийн дуу нь түүний урьд өмнө гаргаж байсан дуунуудаас тэс өөр, илүү “хурц” байх болно гэдгийг онцолж байгаа юм.
Тизер видео нь дууны талаарх хүлээлтийг улам өндөрсгөж байгаа бөгөөд фенүүд нь түүний шинэ уран бүтээлийг тэсэн ядан хүлээж байна. “Rock Music” дууны албан ёсны нээлт удахгүй болох бөгөөд Чарли Экс Си Экс-ийн фенүүд түүний шинэ дуу ямар байх бол гэдэгт ихээхэн анхаарал хандуулж байна.
