Дэлхий даяар аялаж, олон үндэстний хоолны соёлыг судалж, өөрийн гэсэн өвөрмөц хэв маягийг бий болгосон Америкийн алдарт тогооч, аялагч, зохиолч Энтони Бурдейний (Anthony Bourdain) тухай “Тони” (Tony) нэртэй намтарчилсан кино удахгүй дэлгэцнээ гарах гэж байна. Кинонд Бурдейний залуу нас, хоол хийх дур сонирхол нь хэрхэн төрж, хөгжиж байсан тухай өгүүлэх юм байна.
Киноны гол дүрд “The Holdovers” киногоороо үзэгчдийн танил болсон Доминик Сесса (Dominic Sessa) тогложээ. Трейлерээс үзэхэд Сесса Бурдейний дүрийг маш сайн гаргасан байна. Кинонд Бурдейний хоол хийх анхны алхмууд, рестораны гал тогооны архаг ажил, мөн түүний дотоод сэтгэлийн эрэлхийллийг харуулах ажээ.
Энтони Бурдейн бол зөвхөн тогооч биш, бас гайхалтай зохиолч, телевизийн хөтлөгч байсан билээ. Түүний “Kitchen Confidential” ном нь хоолны ертөнцийг шинэ өнцгөөс харуулж, олон хүнийг хоол хийхэд урам зориг өгсөн юм. Тэрээр CNN-ээр “Parts Unknown” нэвтрүүлгийг хөтөлж, дэлхийн өнцөг булан бүрээс хоолны соёл, хүний амьдралыг харуулсан билээ. Харамсалтай нь, тэрээр 2018 онд амиа хорлосон юм.
“Тони” кино нь Бурдейний дурсамжийг хүндэтгэж, түүний амьдралын эхлэлийг харуулах зорилготой юм. Кино театруудад хэзээ гарах нь одоогоор тодорхойгүй байна.
