Нью-Йоркийн алдарт реппер Jay-Z Yankee Stadium-д хийж буй гурван өдрийн тоглолтынхоо хоёр дахь үдшийг амжилттай өндөрлөлөө. Энэхүү тоглолт нь түүний рэп хөгжмийн ертөнцөд эзлэх байр суурийг баталгаажуулсан "The Blueprint" цомгийн 25 жилийн ойд зориулагдсан юм.
Тоглолтын үеэр Jay-Z "Hola Hovito", "All I Need" зэрэг уран бүтээлүүдээс гадна "U Don’t Know", "Never Change" зэрэг гудамжны хэв маягийн шилдэг дуунуудаа үзэгчдэд хүргэв. Тэрээр нийт 30 орчим дууг дуулсан бөгөөд үзэгчид дуу бүрийг нь даган дуулж, идэвхтэй оролцсон байна.
Тоглолтыг илүү сонирхолтой болгох үүднээс Jay-Z хэд хэдэн гэнэтийн зочдыг урьжээ. Тоглолтын эхэнд тэрээр "The Ruler’s Back" дуугаар шоугаа нээсний дараа Slick Rick тайзан дээр гарч ирэн "La Di Dadi" болон "Children’s Story" дуунуудаа дуулсан байна. Үүний дараа рэппер Eminem тайзан дээр гарч ирэн хамтарсан "Renegade" дуугаа дуулж, улмаар өөрийн алдарт "Lose Yourself" дуугаар үзэгчдийг гайхшруулжээ.
Тоглолтын төгсгөл хэсэгт продюсер Pharrell оролцсон бөгөөд тэд хамтран бүтээсэн "Frontin'", "Excuse Me Miss", "Give It to Me", "Allure" зэрэг дуунуудаа үзэгчдэд толилуулсан нь танхимыг оргилуун уур амьсгалд орууллаа. Хоёр дахь үдшийн тоглолт ийнхүү өндөрлөсөн бөгөөд гурав дахь өдөр юу болохыг шүтэн бишрэгчид нь тэсэн ядан хүлээж байна.
