Netflix-ийн анимаци төрлийн томоохон бүтээлүүдийн нэг болох "KPop Demon Hunters" киноны баатрууд албан ёсны Squishmallows зөөлөн тоглоом болон худалдаанд гарах гэж байна. Jazwares компаниас эрхлэн гаргаж буй уг цувралд киноны фанатуудын дуртай дөрвөн дүр болох Rumi, Jinu, Sussie, болон Derpy нарыг багтаажээ.
Цувралын гол дүр болох Rumi нь найман инчийн хэмжээтэй бөгөөд түүний хүний болон чөтгөрийн гаралтайг илтгэх өөр өөр өнгийн нүд, ягаан өнгийн сүлжсэн үс зэрэг өвөрмөц онцлогуудыг шингээсэн байна. Мөн киноны өрсөлдөгч дүр Jinu болон Supernatural Magpie хэмээх Sussie нарыг уламжлалт солонгос малгай болох "gat"-тайгаар дүрсэлжээ. Түүнчлэн шидэт цэнхэр бар болох Derpy-ийн биеийн хээ болон сүүлийг нарийн хийцээр урласан байна.
Jazwares компани нь зөвхөн Squishmallows төдийгүй BumBumz нэрийн дор киноны эд зүйлс болон дүрүүдийг багтаасан шинэ цуглуулгыг төлөвлөж байна. Үүнд гэрэлтүүлэгч (Light Stick), цагаан буйдан, рамен болон Derpy-ийн дүрс бүхий 4.5 инчийн хэмжээтэй тоглоомууд багтах бөгөөд одоогоор Amazon сайтаар дамжуулан урьдчилсан захиалга авч эхэлжээ. Эдгээр бүтээгдэхүүн нь киноны амжилттай холбоотойгоор гарч буй олон төрлийн дагалдах хэрэгслүүдийн нэг хэсэг юм.
